ХТО МЫ
ТАКІЯ?
НАШ ЛАГАТЫП.
Падобна птушкам, якія адлятаюць у вырай, беларусы пасля 2020 году разляцеліся па ўсяму свету. Але, як толькі настае вясна, птушкі, рухомыя сваім унутраным компасам, зноў вяртаюцца дадому. Як і птушак, нас беларусаў унутраны компас вядзе да аднадумцаў і яднае ў "чараду".
Наш унутраны компас натхняе захоўваць і множыць беларускае — нашу Радзіму, што цяпер вандруе разам з намі па свеце. Мы аб'ядноўваемся і працуем на тое, каб, калі прыйдзе час, нашы сумесныя намаганні сталі добрым падмуркам для хуткага адраджэння нашай Беларусі. Мы працягваем дзейнічаць, каб гэты час настаў як мага хутчэй.
Менавіта гэтыя сэнсы і сымбалы спалучыліся ў нашым лагатыпе.
ЧЫМ МЫ ЗАЙМАЕМСЯ.
Беларуская культура
захаванне і развіццё беларускай культуры, каб не дапусціць яе занядбання ва ўмовах цяжкасці яе развіцця ў Беларусі і пагрозы яе поўнага вымяшчэння культурай новага асяроддзя за межамі краіны; а таксама падтрымка творчага патэнцыялу беларусаў за мяжой.
Дапамога рэпрэсаваным і ўцекачам
падтрымка беларусаў, вымушаных з'ехаць з Беларусі з-за палітычнага пераследу, а таксама з-за падтрымкі беларускімі ўладамі вайны супраць Украіны і фактычным удзелам у якасці краіны-суагрэсара.
Падтрымка палітвязняў
падтрымка беларускіх палітвязняў і іх сем'яў, а таксама нашых рэпрасаваных суайчыннікаў у Беларусі, якіх пазбавілі не толькі права на прафесію, але ў шмат якіх выпадках права на працу ўвогуле.
Сувязі з польскай
грамадзянскай
супольнасцю
Пашырэнне сувязяў і супрацоўніцтва з польскай грамадзянскай і культурнай супольнасцю.
Дэмакратычныя каштоўнасці і адукацыя
Аб'яднанне беларусаў вакол дэмакратычных каштоўнасцяў і грамадзянскай актыўнасці і адукацыйныя праекты ў гэтым напрамку.
Падтрымка Украіны
Падтрымка ўкраінцаў і беларусаў ва Украіне, а таксама ўкраінскіх уцекачоў у Польшчы, якія сталі ахвярамі нападу з боку Расеі.
